巴西預言家曾預言： 5月23日9時 中環7.0級地震

近日有人不斷重提巴西預言家朱瑟里諾嘅預言，唔知大家記唔記得，呢位預言家曾於2014年預測香港將於2019年5月23日上午9時，在香港的中心地區發生大地震，當年呢位預言家訪港，去信香港政府，叫特首早作準備。

如今「大限」將至，香港地震此一說法甚囂塵上，咁到底震區喺邊呢？根據預言以及當時朱瑟里諾所畫的地圖，震區將會在中環中心點對出大約五公里，即是說可能差不多整個香港南區都會出事（應該比較近西環）。

預言家幾年前接受香港媒體訪問，不諱言自己看到了香港未來的景象，看到有些樓宇倒塌，會有人命傷亡。

根據朱瑟里諾亞洲區專頁的更新，預言家又言之鑿鑿，香港發生地震的機率，取決於內地是否會於同月份發生地震，如果有的話，將會大大降低香港發生地震的機會。

可能是因為這位曾預言戴安娜之死、911、薩達姆藏身地點、南亞海嘯的預言家，近年連番失準，觀乎香港人的反應，目前是看笑話多於迷信，尤其是他預言成龍分別在2016年及2017年的5月至12月有機會發生飛機有關的意外，最後未有兌現。

其實，命裡有時終需有，市場以外的力量，筆者都會相信一些風水玄理，但預言家也要像股評人一樣睇往績，如果全年牛市但你睇淡還死撐，最後再多的預測，就只能當笑話。

朱瑟里諾的高明之處在於大包圍，左右押注，10個國家有1個中，已經可以受國民敬仰。同樣道理，預測多點環球大勢的股評人，會比all in 淡淡騰訊的股評人，穿煲風險細得多。

恒指雖然穿了28000，但似乎又不見末世跡象，可能是朱瑟里諾又中，因為鄰近地區發生過地震，所以香港才逃過一劫。

讓我們一齊倒數，距離明天上午9時，時間已不多了。